O OBXECTIVO FOTOGRÁFICO

Denomínase obxectivo ao dispositivo que contén o conxunto de lentes converxentes, diverxentes e, nalgúns casos, o sistema de enfoque e obturación, que forman parte da óptica dunha cámara tanto fotográfica como de vídeo. A súa función é redireccionar os raios de luz para crear unha imaxe "óptica" e manter un equilibrio dos elementos ópticos.

Para diferenciar os distintos obxectivos, temos que coñecer as súas características principais: 

• A luminosidade:  Está condicionada pola cantidade de lentes que o compoñen, as súas composicións químicas e os seus diámetros. Isto define a apertura máxima do seu diafragma, coñecida como apertura efectiva.

• A distancia focal:   Indica a distancia (en milímetros) desde o centro óptico do obxectivo ata o plano focal. Define o aumento ou zoom do obxectivo, ou canto se achega a imaxe ao punto de vista do observador. Canta máis distancia focal, a imaxe será máis grande, por exemplo: un obxectivo de 100mm produce imaxes do dobre tamaño que un de 50mm. 

• A abertura:  Adóitase indicar co chamado "número F", que consiste nun cociente entre a súa abertura máxima e a súa distancia focal. O número f é inversamente proporcional á abertura: a menor número f, máis abertura e, polo tanto, maior luminosidade. Os obxectivos poden ser de número f fixo ou variable, e a súa abertura regúlase mediante o diafragma. Esta se representa graficamente no obxectivo (por exemplo, "f/2.8"). Nos obxectivos zoom pode ser representado por dous valores, indicando así a dispoñibilidade de abertura segundo os extremos de funcionamento para obxectivos de distancia focal variable.  

A seguinte imaxe dun obxectivo serviranos para entender como é e como podemos coñecer as súas características básicas só con velo.  Neste caso é o teleobxectivo 70-300mm de Canon: