8 CURIOSIDADES FOTOGRÁFICAS

A fotografía é a ciencia e a arte de obter imaxes duradeiras pola acción da luz, capturándoas nun medio sensible á luz ou pola conversión en señais electrónicas. Etimolóxicamente, provén do grego e traduciríase como "A escritura da luz". A historia da fotografía comeza oficialmente no ano 1839 (con científicos como Niépce e Daguerre), pero estas curiosidades axudarannos a coñecer os seus antecedentes e as súas orixes. 

1.  O pai da fotografía bautizouna inicialmente co nome de "heliografía"

Niépce (científico francés) obtivo as primeiras fotografías expoñendo placas metálicas á luz do sol. Por iso, chamou a este procedemento "heliografía", do grego helios (sol) e grafía (escritura ou debuxo). O nome definitivo da fotografía xurdiu no ano 1839 con Herschel. 

2.  O primeiro libro ilustrado con fotografías chamábase "Pencil of Nature" ("O lapis da Natureza")

Foi publicado en Londres en seis entregas, entre os anos 1844 e 1846. O seu autor, Henry Fox Talbot, anunciaba o "inicio dun novo arte" e mostraba as súas aplicacións en ciencia e tecnoloxía. 

3.  "Vostede apreta o botón, nós facemos o resto" foi o eslogan co que se puxo á venta a primeira cámara de fotos popular

Tratábase dunha cámara vendida pola compañía Eastman Kodak no ano 1888, cargada cun carrete de 100 fotos. Cando se facían estas 100 fotos, enviábase a cámara a Kodak. Estes extraían o carrete, revelaban as fotos e devolvían a cámara cargada cun novo carrete. Coa súa chegada ao mercado, o uso da fotografía estendeuse a toda a poboación.

 4.  O principio da cámara escura

Como antecedente e base da fotografía, atópase a cámara escura. 
A cámara escura é un instrumento óptico que permite obter unha proxección plana dunha imaxe externa sobre a zona interior da súa superficie. Os aparatos fotográficos actuais herdaron a palabra "cámara" das antigas cámaras escuras. Consiste nunha caixa cerrada e un pequeno oco polo que entra unha pequena cantidade de luz que proxecta na parede oposta a imaxe do exterior. 


5.  O daguerrotipo

O daguerrotipo foi o primeiro procedemento fotográfico, anunciado oficialmente no ano 1839. Foi desarollado por Louis Daguerre a partir das experiencias previas de Niépce. No daguerrotipo, a imaxe fórmase sobre unha superficie de prata pulida como un espello. A imaxe revelada está formada por partículas microscópicas de mercurio e prata. 


6.  A fotografía máis antiga do mundo

Trátase dunha toma feita en 1827 cunha cámara escura, realizada por Niépce. Foi tomada desde a ventá da súa casa en Le Grass (Francia) e realizouse en oito horas. Niépce bautizou estas imaxes como heliograbados (cando eran reproducións de grabados xa existentes) e puntos de vista (cando eran imaxes captadas ao natural). 



Moitos consideran que esta é a foto oficial tomada por Niépce. Sen embargo, dise que dous anos antes, este científico xa conseguira unha imaxe fixa dun home tirando dun cabalo. 


7.  A primeira fotografía en cor

A primeira fotografía con cor permanente foi tomada en 1861 polo físico escocés James Clerk Maxwell. Presentou o seu método en Londres, coa intención de demostrar que calquera cor podía obterse mezclando luces das tres cores primarias (vermello, amarelo e azul) en distintas proporcións. 




8.  A primeira persoa nunha fotografía

A primeira fotografía dunha persoa tomouse en 1838 (aínda que algúns estudios a datan no 1839), feita por Louis Derregue no Boulevard du Temple en París. Na zona inferior esquerda, pódese observar un home levantando unha perna mentres lle limpian as botas. O máis curioso é que, nese mesmo intre, circulaban pola avenida varias persoas e vehículos. Sen embargo, a xente pasaba demasiado rápido como para poder aparecer na imaxe.