O TRÍPODE

Un bo aficionado á fotografía sabe que o seu equipo fotográfico vai moito máis alá da propia cámara. Un dos complementos aos que máis partido pódese sacar, é o trípode. O trípode é necesario para dous principais tipos de situacións: aquelas nas que se necesita utilizar un tempo de exposición o suficientemente longo como para non poder facer a fotografía a pulso, e naquelas fotos nas que quere aparecer o fotógrafo, xa sexan autorretratos ou fotos de grupo.

Por que é necesario un trípode?

O trípode é un complemento esencial para unha cámara. Estas son algunhas das moitas situacións nas que serve de gran axuda:

• Para aumentar a nitidez e a profundidade de campo nas fotos, independentemente da luminosidade da escena.
• Para afinar na composición das fotografías, axustando moi ben o encadre.
• Para gañar calidade nas fotos utilizando un  ISO baixo.
• Para poder facer HDR, time lapses e outras técnicas fotográficas nas que se require realizar varias exposicións co mesmo encadre.
• Para poder facer tomas de longa exposición.
• Para fotografía nocturna (lúa, estrelas, paisaxes nocturnas, lightpainting...).
• Para facer autoretratos ou fotos de grupo nas que o fotógrafo estea presente.
• Para facer fotografía macro (flores, insectos, etc.).
• Para facer fotos en posicións ou ángulos complicados.
• Para facer vídeo eliminando vibracións e movementos na cámara

Características dun bo trípode:

Para que un trípode sexa bo, ten que ser:

• Estable.
• Sólido.
• Medianamente pesado (non moi lixeiro).
• De rótula de bóla. Isto é a parte onde colocaremos a cámara, e a parte responsable de inclinala e movela horizontal,  verticalmente ou cara aos lados.
• Con controis minimalistas.  Canntos menos controis mellor, isto é: unha soa empuñadura para controlar todos os movementos. 

Partes dun trípode:

• As patas: Poden estar fabricadas de distintos materiais: aluminio, carbono...
• A cabeza ou rótula: Permite axustar a posición da cámara á hora de encadrar. As máis comúns son as de bóla.
• A columna central: É un elemento para alongar a altura do  trípode e para traballar determinados tipos de fotografía como a macro. 
• Os pés: A terminación das patas pode ser diferente en función das nosas necesidades. O máis frecuente é que sexan de goma ou de punta metálica.

Para finalizar, deixo un vídeo sobre como escoller un trípode para foto e vídeo: